དྲིན་ཆེན་ཨ་མ་

དྲིན་ཆེན་ཨ་མ་

ང་ལ་མི་ཚེ་གནང་མཁན།

བུ་ངའི་དྲིན་ཆེན་ཨ་མ།

ས་མཐའ་རྒྱང་ན་ཡོད་ཀྱང།

ཡིད་ལ་ལྷང་ལྷང་དྲན་གྱི།

                                                བུ་ང་སྐྱེས་པའི་དུས་ལ།

                    དཀའ་ངལ་དཔག་མེད་མྱོང་ཡོད།

                    ཁྱེད་ཀྱི་བཀའ་དྲིན་དེ་ནི།

                   ནམ་ཡང་བརྗེད་ཐབས་མི་འདུག།

ཟླ་དགུ་ཉིན་བཅུ་འཁུར་བའི།

དྲིན་ཆེན་ཨ་མ་ཁྱེད་རང།

སྐྱེས་མ་ཐག་དུ་ཡིན་ཡང།

དྲིད་ནི་ཁྱེད་ཀྱི་གངན་སོང།

མཇམ་པའི་གདན་ལ་བཞག་ནས།

གོས་ནི་ཁྱེད་ཀྱི་གཡོག་སོང།

བརྩེ་བའི་འཛུམ་གྱི་བསྲུད་ནས།

མིང་སྙན་ཁྱེད་ཀྱི་འབོད་སོང།

ཪླན་པར་ཁྱེད་རང་ཉལ་ནས།

སྐམ་སར་བུ་ང་ཉལ་སོང།

བཀའ་དྲིན་བརྗེད་ཐབས་མེད་པའི།

བུ་ངའི་དྲིན་ཆེན་ཨ་མ།

སྣབ་ལུས་ཁས་ཅིང་ཡིན་ཡང།

མི་གཙང་ལག་པའི་ཕྱིས་སོང།

སྐབས་རེ་ཉལ་རྒྱུ་མེད་ཡང།

སྲོག་ལས་གཅེས་པ་བཟུང་སོང།

སྐབས་རེ་བཟའ་རྒྱུ་མེད་ཡང།

ང་ལ་རྒྱག་ཚད་གནང་གྱི།

རང་ཉིད་གྲོད་ཁོག་ལྟོག་པར།

ལས་མང་ཁྱེད་ཀྱི་བྱེད་ཀྱི།

                                                ནམ་བརྗེད་ཐབས་མེད་པའི།

 དྲིན་ཆེན་ཨ་མ་ཁྱེད་རང།

ཁྱེད་ཀྱི་ཞབས་ལ་གཏུགས་ནས།

གུས་འདུད་བུ་ངས་བྱས་ཡོད།

བུ་ངའི་སེམས་པ་གཏིང་ནས།

བླ་མ་དཀོན་མཆོག་གསུམ་ལ།

བཀའ་དྲིན་གསོལ་བར་ཐུབ་པའི།

བུ་ངའི་སྨོན་ལམ་འདེབས་ཡོད།