སྙན་ངག།།།

སོན་དང་ཀ་ཡེ་བརྩེ་བའི་དགེ་གྲོགས་ལགས།
ཁྱེད་ཀྱི་སྙེན་ངག་ལེགས་པོར་ཐེང་མང་ཀློག།
བློ་དཀར་བྷུན་ཏའི་ཕོ་གསར་སྙིང་དབུས་སུ།
གཏམ་མེད་སེམས་འཚོར་དྲག་པོ་སྙན་ལམ་བྲིས།

ལྷ་མོའི་གཟུགས་ཅན་བྷུན་ཏའི་ན་མོ་ཡི།
མཚོན་མང་གློག་འགྱུར་བདེ་བའི་རང་བཞིན་འཛིན།
དྲོད་ལྡན་བྷུན་ཏའི་ཉི་བུར་མ་བལྟ་བར།
ཉི་བུས་དྲོད་འོད་ནམ་ཡང་ཉམས་མི་སྲིད།

གློག་ལྡན་ཉ་ཕོར་འཕྲུལ་བའི་ལྦལ་མོ་ཡིས།
ལོ་མང་ལྷན་ཤིབས་བྱེད་པའི་ཕོ་ཉའི་མདུན།
སྣང་མེད་འཕྱོར་ཉམས་བྱེད་ནས་འཕང་པ་ཡི།
སྐྱེ་མ་   སྣང་མེད་ནོར་བུ་འབོར་བ་འགྱོད་ནས་ཡོང།

སྐྱོ་དུས་སྐྱོ་བཤད་བྱས་ས་ང་ཚོ་འཛིན།
སྐྱིད་དུས་བློ་ཟུར་ལ་ཡང་ང་ཚོ་མེད།
བྷུན་མོའི་གཏན་མེད་སེམས་པ་མངོན་པས་དུས།
བྷུན་ཧའི་ཉི་བུའི་སྙིང་ནས་སྙིང་རེ་རྗེ།།    ཨང།།།།།།

ཀ་རྩོམ་དྲིན་ཆེན་ཨ་མ།།

བརྗེད་དཀའ་བའི་དྲིན་ཆེན་ཨ་མའི་བཀའ་དྲིན།

ཀ་མ་རུ་ལ་ཡི་གི་བཀོད་ཡོད་ཀྱང།
ཁ་ཏ་ཁྱེད་ཀྱི་ང་ལ་ཡང་ཡང་གནང།
ག་བྱེད་མེད་པ་ཁྱེད་ཀྱི་སྐུ་ལས་སྐྱོན་།
ང་རོ་མེད་པའི་བསླབ་བྱ་མང་མང་གནང་།

ཅ་འབྱེད་བྱེད་འམ་མི་བྱེད་ཁྱེད་ཀྱིས་བཤད་།
ཆ་རྐྱེན་ཚང་མ་ཁྱེད་ཀྱིས་ང་ལ་གནང་།
ཇ་ཞིམ་ལྟོ་ཞིམ་ཨ་མ་ཁྱེད་ཀྱིས་བཟོས་།
ཉ་ག་མེད་པའི་བརྩེ་བ་ཁྱེད་ཀྱིས་སྤྲད་།

ཏ་ཀུ་མེད་པའི་ཡང་ཡང་གཡ་སར་བཀོད་།
ཐ་གེ་ཙམ་ཡང་ངལ་གསོ་ཁྱེད་ལ་མེད་།
ད་དུང་ཡིན་ཡང་བརྩེ་བ་ཆེན་པོ་སྤྲད་།
ན་བུན་གཏུམ་ཡང་ཁྱེད་རང་ཡིད་ལ་དྲན་།

པ་ལགས་མེད་ཀྱང་ལས་འགན་ཁྱེད་ཀྱི་འཁྱེར་།
ཕ་མ་གཉིས་ཀ་ཨ་མ་ཁྱེད་རང་ཡིན་།
བ་སོ་ལྟ་བུའི་རྩ་ཆེན་ཨ་མ་ཁྱེད་།
མ་གདན་ལྟ་བུའི་ང་ཡི་མི་ཚེ་བཟོས་།

ཙ་རི་གནས་ལ་གངས་ཀྱིས་བཏུམས་པ་དེ་།
ཚ་བ་ཆེ་ཡང་བཞུར་རྒྱུ་མེད་པ་ནི་།
ཛ་རི་སྡོང་ལས་ལོ་མ་མི་ལྷྱུར་ལྟར་།
ཝ་ལེར་བྱས་ཀྱང་ཁྱེད་རང་བརྗེད་ཐབས་མེད་།

ཞ་བོ་མེད་པ་དབང་ཐང་ཁྱེད་ཀྱིས་སྐྱང་།
ཟ་ཟ་ཁྱེད་རང་ཡིད་ལ་བཅང་ནས་ཡོད་།
འ་འུར་ཆེ་ཡང་གསུངས་སྐད་སྣ་བར་ཐོས་།
ཡ་ང་སྙིང་རྗེ་ཆེ་བའི་ཨ་མ་ལགས་།

ར་བ་མེད་པའི་བརྩེ་གདུང་ལྷད་མེད་སྤྲད་།
ལ་ཉེ་ཡོད་པ་ཁྱེད་ཀྱི་ང་ལ་བཟོས་།
ཤ་ཚ་ཆེ་བའི་དྲིན་ཆེན་ཨ་མ་ཁྱེད་།
ས་སྲོས་དུས་ལའང་བརྩེ་བ་ཤར་ནས་ཡོད་།

ཧ་ཅང་ཐག་རིང་ཨ་མ་ཁྱེད་ཡོད་ཀྱང་།
ཧ་ལམ་ང་ཡི་འགྲམ་ལ་ཡོད་པ་འདྲ་།
ཨ་མ་ཁྱེད་རང་མྱུར་མཇལ་སྨོན་ལམ་ནི་།
ཨ་འཐས་ང་ཡི་སེམས་ལ་བཅང་ནས་ཡོད་།

སྙིང་སྡུག་དྲན་གླུ།།།

དྲན་གྱི་འདུག་བུ་མོ་ལགས།།

བུ་ངའི་ལས་ལ་བཀོད་པའི།

བུ་མོ་ཡིད་འཕྲོག་ལྷ་མོ།

ཁྱིད་རང་བྲལ་བ་རས་བཟུང།

མི་ཚེ་སྙིང་པོ་མི་འདུག།

ཚེ་སྔོན་ལས་ཀྱི་དབང་ཀྱི།

ནད་དང་ཁྱེད་རང་འཕྲད་པས།

བུ་ཆུང་ང་དང་ཁྱེད་རང།

མི་འདོད་བྲལ་དགོས་ཐུབ་སོང།

ཁྱེད་རང་དྲན་པའི་སྐབས་ལ།

བྱེད་ཐབས་གང་ཡང་ནེད་དུས།

ཁྱེད་ཀྱི་སྤར་ལ་བལྟ་ནས།

མཆི་མ་རིལ་རིལ་ཤོར་སོང།

མཚམ་མོ་ཉལ་བའི་སྐབས་ལ།

དྲན་རྒྱུ་ཁྱེད་ལས་མི་འདུག།

རྨི་ལམ་ནང་དུ་ཡིན་ཡང།

མཇལ་རྒྱུ་ཁྱེད་ལས་མི་འདུག།

ང་དང་ཁྱེད་ཀྱི་བར་ལ།

ལས་འགྲོ་ཨེ་ཡོད་བསམ་ཡང།

ང་གཉིས་བར་གྱི་བརྩེ་བ།

འགྱུར་བ་ཐེབས་ས་མ་རེད།

ཁྱེད་ལ་སྤྲིངས་པའི་བརྩེ་བ།

རྫུན་མ་རེད་འདུག་མ་བསམ།

ཁྱེད་རང་མེད་པའི་མི་ཚེ།

བུ་ཆུང་ང་ལ་མི་དགོས།

ཞོགས་པ་ལངས་པའི་སྐབས་དང།

མཚན་མོ་མཉལ་པའི་སྐབས་ལ།

བུ་མོ་ཁྱེད་རང་དྲན་དུས།

སེམས་པ་ཞེ་དྲག་སྐྱོ་གི།

ཁྱེད་རང་རེ་རེ་དྲན་དུས།

སྙིང་ལ་ན་ཟུག་གཏང་གི།

བུ་མོ་མཛེས་ལྡན་ལྷ་མོ།

ག་དུས་ལོག་ནས་ཡོང་གི།

ཁྱེད་རང་དྲག་པའི་དོན་དུ།

ག་དུས་ཡིན་ཡང་བུ་ངའི།

བླ་མ་དཀོན་མཆོག་གསུམ་ལ།

སྨོན་ལམ་ཡང་ཡང་གཏབ་ཡོད།

ཁྱེད་རང་སྒུག་ནས་བསྡད་ཡོད།

མགྱོགས་པོ་ཕེབས་རོགས་གནང་ངད།

བུ་ཆུང་ང་ཡི་འགྲམ་ལ།

ལོག་ནས་མགྱོགས་པོ་ཕེབས་དང།།

ལོ་འཁོར་གཅིག་གི་འཚོར་བ།

                                   

ལོ་འཁོར་གཅིག་གི་འཚོར་བ།

ཀ་ཡེ་གསོན་དང་གཞོན་ནུ་ཕོ་མོ་རྣམས།
ཁ་རོགས་སྡོད་ན་སེམས་གྱི་མ་བཟོད་པར།
ག་ཤེས་བྱེད་ན་བུན་ཏར་སྡད་པའི་རིང།

ང་ཡི་ཡིད་ལ་འཚོར་བ་འདི་ལྟར་ཤར།

ཅ་རེ་གོམས་གསིས་བཟང་པོ་འདི་ནས་སྦྱང།

ཆ་ལུགས་བཟང་བའི་བོད་མིའི་གཤིས་སྤྱོད་སྦྱང།

ཇ་ཁ་གསེར་མདངས་འདྲ་བ་སློབ་ཕྲུག་ལ།

ཉ་ག་མེད་པའི་དཀུན་གྱི་བློ་མུན་གསལ།

ཏ་ཏིའུ་འབྲེལ་བཟང་དགེ་སློབ་གཉིས་བར་གནས།

ཐ་རམས་ཤེས་ཡོན་ལྡན་པའི་སློབ་དཔོན་གྱི།

ད་ལིས་དྲི་ཞིམ་འདྲ་བ་ཤེས་ཡོན་སྤེལ།

ན་ནིང་མེད་པའི་གོམས་གཤེས་གསར་པ་བསླེབས།

པ་ཕ་བརྩེ་ཅན་འདྲ་བའི་དབུ་འཛིན་ཡོད།

ཕ་ཡུལ་གངས་ཅན་འདྲ་བའི་ཡུལ་ལྗོངས་འདིར།

བ་ཚྭ་ལྟར་ཞིང་མེད་པར་བོད་ཕྲུག་ཚོར།

མ་རྨོས་ལོ་ཏོག་ལྟར་ཞིང་ཤེས་ཡོན་སྤེལ།

ཙ་ཀ་ལི་ལྟར་མཛེས་པའི་བུན་ཏར་འདི།

ཚ་བ་མེད་པའི་གནམ་གཤིས་ཤིན་ཏུ་སྐྱིད།

ཛ་ཏི་ལོ་མ་འདྲ་བའི་ཤེས་ཡོན་དེ།

ཝ་ལེར་བྱེད་ནས་སློབ་ཕྲུག་དཀུན་ལ་སྤེལ།

ཞ་ལུ་འདྲ་་བའི་ང་ཚོའི་མི་ཚེ་བཟོས།

ཟ་ཟ་མེད་ཡང་དེ་ཚུངས་བ་བརྩེ་བ་འཐོབ།

འ་འུར་མེད་པའི་སློབ་སྦྱོང་བྱེད་སར་འདིར།

ཡ་མཚན་བུན་ཏར་བསླེབས་པར་བསོད་ནམ་ཆེ།

ར་བ་འདི་ནང་གནས་པའི་ལོ་འདི་ནང།

ལ་ཉེ་ཡོད་པ་ཚང་མ་སྟོན་ཐབས་མཆེད།

ཤ་སྟག་ཆེ་བའི་ངང་ནས་འཐུན་རྐྱེན་དང།

ས་སྲོས་མེད་པ་ང་ཆོའི་སེམས་ཤུགས་སྤར།

ཧ་ཅང་སྐྱིད་པའི་ཤེས་བྱའི་ར་བ་འདིར།

ཧ་ཧ་དགོད་ཅིང་དཀུན་དང་མཐུན་པོ་ཆགས།

ཨ་ཅང་སྐྱིད་པའི་མཐོ་སློབ་འདིར་བསླེནས་རྗེས།

ཨ་ཕྲུག་ང་ཚོས་ཤེས་ཡོན་ཐོག་ལ་འབད།།

དྲིན་ཆེན་སྐྱེད་མ།

                   དྲིན་ཆེན་སྐྱེད་མ།

                                                

                                                          སྨན་ཕྲུག་ཚེ་རིང་ནས།།…………….

     

 སྐྱེད་མ་ཞེས་པ་སྣ་བར་ཐོས་མ་ཐག།

ཁྱེད་ཀྱི་བཀའ་དྲིན་ཡིད་ལྷང་ལྷང་དྲན།

དེ་དག་དྲན་མ་ཐག་དུ་གུས་པའི་མིག།

མིག་ཆུའི་རྒྱུག་ཆུ་བཞིན་དུ་དལ་གྱི་བཞུར།

 མི་ཚེ་ཧྲིལ་པོ་སྡུག་བསྔལ་དཔག་མེད་མྱོང།

ན་ཟུག་ཚང་མ་སྐྱེད་མའི་སེམས་ནང་ཉར།

དཀའ་ངལ་འཕྲད་ཀྱང་གདོང་ལེན་གཅིག་པོ་བྱེད།

སྡུག་བསྔལ་འཕྲིན་པོ་གུས་པར་མི་ཡོང་ཟབ།

དངུལ་བསགས་དོན་དུ་ཟས་ཞིམ་ཁྱེད་མི་བཟའ།

གྱོན་ཆས་ཡིན་ཡང་གསར་པ་ཁྱེད་མི་གྱོན།

ཁྲག་བསགས་སྣག་བསགས་བྱེད་པའི་ཕྱག་དངུལ་དེ།

གུས་པའི་ཤེས་ཡོན་དོན་དུ་ཁྱེད་ཀྱི་བཏང།

ཁྱེད་ཀྱི་དཀའ་ལས་མྱོང་པ་དེ་དྲན་དུས།

གུས་པའི་སེམས་ཀྱི་གཏིང་ནས་ན་ཟུག་ལངས།

དེ་རིང་ན་ཟུག་ཚང་མ་གུས་པ་ཡི།

ཤོག་བུའི་སྟེང་དུ་སྙན་ངག་ངང་ནས་བཀོད།

གདོང་པའི་གཉེར་མ་ཉུང་དུ་གཏོང་མི་ཐུབ།

མགོ་བོའི་སྐྲ་དཀར་ནུང་དུ་གཏོང་རྒྱུ་དཀའ།

འོན་ཀྱང་ཁྱེད་ཀྱི་བཀའ་དྲིན་འཇལ་བའི་ཆེད།

གུས་པའི་སློབ་སྦྱོང་ཐོག་ལ་འབད་ན་དགའ།

 ཚེ་སྔོན་ལས་བཟང་རྐྱེན་གྱི་ཚེ་འདི་ནང།

སྐྱེད་མ་ཁྱེད་ལ་གུས་པར་བུ་རུ་སྐྱེས།

སྐྱེས་བ་ཕྱི་མ་ཡིན་ཡང་ཁྱེད་རང་གི།

བུ་རུ་སྐྱེས་པའི་སྨོན་ལམ་བུ་ངས་འདེབས།

དཀའ་ངལ་གང་འདྲ་འཕྲད་ཀྱང་གུས་པ་ཡི།

ཁ་ནས་སྐྱེད་མ་ཞེས་པའི་ཚིག་དེ་འབོད།

ཁྱེད་རང་མེད་པའི་མི་ཚེ་དེ་དག་ནི།

བསམ་བློ་ནང་ལ་འཁོར་རྒྱུ་ཤིན་ཏུ་དཀའ།

མི་ཚེ་ནང་ལ་ཁྱེད་རང་ཡོད་ན་ནི།

སྡུག་བསྔལ་ག་ཚོད་ཡོད་ཀྱང་མཉམ་དུ་སྐྱེལ།

ཁྱེད་རང་མེད་པའི་མི་ཚེ་སྐྱིད་པོ་ཡང།

སྐར་ཆ་གཅིག་ཀྱང་དགོས་པ་དག་ལ་མེད།

དཀའ་ངལ་སྡུག་ངལ་གང་འདྲ་འཕྲད་ན་ཡང།

ཁྱེད་རང་མཇལ་བ་ཙམ་གྱི་ཆང་མ་རྗེས།

ཁྱེད་ནི་ང་ཡི་བདེ་སྐྱིད་རྩ་བ་ཡིན།

དྲིན་ཆེན་སྐྱེད་མ་སྐུ་ཚེ་བརྟན་པར་ཤོག།།